Naat-e-Paak ............

SHAREEYAT HAI WAHI ,JO BHI TAREEQA THA MOHAMMAD KA
THI SARI ZINDAGI JAISE IK AAYENA MOHAMMAD KA

ISI BAYIS LAQAB HAI AAPKA KUD RAHMAT_E_AALAM.
MOHABBAT HI MOHABBAT HAI FAQAT FIRQA MOHAMMAD KA..

UTARE HI NAHIN IKHLAQ KE ZEWAR KABHI JISNE .
MISALI HAI WAHI KIRDAR THA AISA MOHAMMAD KA..

MALAYAK KYA BASHAR KYA JINN KYA DONO HI AALAM MEIN
JISE BHI DEKHIYE WO HO GAYA SHAIDA MOHAMMAD KA ..

DIL-O-JAA,N BAN GAYE HAI,N RAHGUZAR JISKI SADA SUNKAR.
KHUDA KI DEEN THA MAKHSOOS WO LAHEJA MOHAMMAD KA ..

MASAYAB SE BHARI YE ZINDGI AASAN KARNA HAI.
TO AANKHE,N KHOOL KAR TUM DEKH LO RASTA MOHAMMAD KA ..

TALAB JANNAT KI POORI HO NAHIN SAKTI "SIYA"SUN LO.
AGAR DEKHA NAHIN HAI TUMNE DARWAZA MOHAMMAD KA .